కర్నూలు జిల్లా ఆదోని పట్టణంలోని మండగిరి పరిధిలో గల మంజునాథ్ ఎస్టేట్లో గుర్తుతెలియని దుండగులు చోరీకి పాల్పడ్డారు. స్థానికులు, పోలీసుల కథనం మేరకు వివరాలిలా ఉన్నాయి…
మంజునాథ్ ఎస్టేట్కు చెందిన తిమ్మప్ప ఇంట్లో ఎవరూ లేని సమయం చూసి దొంగలు చేతివాటం ప్రదర్శించారు. ఇంటి తాళాలు పగులగొట్టి లోపలికి ప్రవేశించిన దుండగులు, బీరువాలోని సుమారు 5 తులాల బంగారం, 25 తులాల వెండి ఆభరణాలతో పాటు రూ. 30,000 నగదును దోచుకెళ్లారు.
బాధితుడు తిమ్మప్ప ఇంటికి చేరుకుని చూడగా చోరీ జరిగిన విషయం వెలుగులోకి వచ్చింది. వెంటనే బాధితుడు స్థానిక పోలీస్ స్టేషన్లో ఫిర్యాదు చేశారు. బాధితుడి ఫిర్యాదు మేరకు పోలీసులు ఘటనా స్థలానికి చేరుకుని పరిశీలించారు. కేసు నమోదు చేసుకున్న పోలీసులు, క్లూస్ టీమ్ సహాయంతో ఆధారాలు సేకరిస్తూ దర్యాప్తు ముమ్మరం చేశారు. నివాస ప్రాంతంలో చోరీ జరగడంతో స్థానికులు భయాందోళన వ్యక్తం చేస్తున్నారు.