కర్నూలు జిల్లా ఆదోని–ఇస్వి (ISVI) రైల్వే స్టేషన్ల మధ్య శనివారం తెల్లవారుజామున గుర్తుతెలియని మహిళ రైలు కింద పడి ఆత్మహత్యాయత్నానికి ఒడిగట్టి, ఆసుపత్రిలో చికిత్స పొందుతూ మృతిచెందింది. పోలీసులు తెలిపిన వివరాల ప్రకారం… శనివారం (సెప్టెంబరు 19) తెల్లవారుజామున సుమారు 4:00 గంటల సమయంలో ఆదోని–ఇస్వి స్టేషన్ల మధ్య కిలోమీటర్ నంబర్ 495/18 డౌన్ లైన్ ట్రాక్పై సుమారు 40 ఏళ్ల వయస్సు గల గుర్తుతెలియని మహిళ ఉద్యాన్ ఎక్స్ప్రెస్ (రైలు నం. 11302) కింద పడింది. ఈ ఘటనలో ఆమె ఎడమ మోకాలి కింది భాగం తీవ్రంగా తెగిపోయింది. గమనించిన రైల్వే సిబ్బంది వెంటనే 108 అంబులెన్స్ ద్వారా ఆమెను ఆదోని ప్రభుత్వ ప్రాంతీయ ఆసుపత్రికి తరలించారు.
అక్కడ అత్యవసర చికిత్స పొందుతూ పరిస్థితి విషమించడంతో ఆ మహిళ మృతి చెందినట్లు ఆసుపత్రి వైద్యాధికారులు ధ్రువీకరించారు. ఉద్యాన్ ఎక్స్ప్రెస్ నుంచి అందిన ప్రాథమిక సమాచారంతో పాటు ఆదోని స్టేషన్ మాస్టర్ ఇచ్చిన ఫిర్యాదు మేరకు కేసు నమోదు చేసుకుని దర్యాప్తు ప్రారంభించినట్లు ఆదోని-మంత్రాలయం రైల్వే హెడ్ కానిస్టేబుల్ సి. శివరామయ్య తెలిపారు. మృతురాలి వివరాలు తెలిసిన వారు రైల్వే పోలీసులను సంప్రదించాలని కోరారు.