కర్నూలు జిల్లా ఆదోని రెవెన్యూ డివిజన్ పరిధిలో ఎస్సీ, ఎస్టీ (అట్రాసిటీల నిరోధక చట్టం) సబ్-డివిజనల్ విజిలెన్స్ & మానిటరింగ్ కమిటీ పునర్వ్యవస్థీకరణకు చర్యలు చేపట్టినట్లు రెవెన్యూ డివిజనల్ అధికారి (ఆర్డీవో) ఒక ప్రకటనలో తెలిపారు. ఈ కమిటీలో షెడ్యూల్డ్ కులాలు (SC), షెడ్యూల్డ్ తెగల (ST) వర్గాలకు చెందిన ఇద్దరిని నాన్-అఫీషియల్ సభ్యులుగా ఎంపిక చేయనున్నట్లు పేర్కొన్నారు.
అర్హతలు: ◆ అభ్యర్థులు తప్పనిసరిగా ఆదోని రెవెన్యూ డివిజన్ పరిధిలోని శాశ్వత నివాసి అయి ఉండాలి. ◆ ఎస్సీ, ఎస్టీ వర్గాల సంక్షేమం, హక్కుల పరిరక్షణ మరియు సామాజిక సేవా కార్యక్రమాలలో చురుగ్గా పాల్గొన్న అనుభవం ఉన్నవారికి ప్రాధాన్యత ఉంటుంది.
జతపరచాల్సిన ధ్రువపత్రాలు: ◆ సమగ్ర బయోడేటా (పేరు, చిరునామా, విద్యార్హతలు, సేవా అనుభవం తదితర వివరాలు) ◆ కుల ధ్రువీకరణ పత్రం (Caste Certificate) ◆ నివాస ధ్రువీకరణ పత్రం (Residence Certificate) ◆ ఆధార్ కార్డు నకలు (జిరాక్స్) ◆ సంబంధిత సేవా ధ్రువపత్రాలు
దరఖాస్తు సమర్పణ: అర్హత, ఆసక్తి గల అభ్యర్థులు తమ పూర్తి దరఖాస్తులను ప్రకటన వెలువడిన తేదీ నుంచి 7 రోజుల్లోపు ఆదోని ఆర్డీవో కార్యాలయంలో అందజేయాలి. గడువు ముగిసిన తర్వాత వచ్చిన దరఖాస్తులను పరిశీలించబోమని అధికారులు స్పష్టం చేశారు.
