కర్నూలు జిల్లా ఆదోని లో ‘ప్రజల కోసం మీ పార్థసారథి’ కార్యక్రమంలో భాగంగా ఆదోని ఎమ్మెల్యే డా. పార్థసారథి వాల్మీకి మంగళవారం ఉదయం పట్టణంలోని 15వ వార్డు కార్వన్పేటలో ఇంటింటికీ పర్యటించి స్థానిక ప్రజల సమస్యలను స్వయంగా తెలుసుకున్నారు.
ఈ సందర్భంగా స్థానికులు పలు సమస్యలను ఎమ్మెల్యే దృష్టికి తీసుకువచ్చారు: మౌలిక వసతులు: జలగల వీధిలో సీసీ డ్రైన్ నిర్మాణం చేపట్టాలని, బండి మెట్ట రోడ్డులో రాకపోకలకు అడ్డంగా ఉన్న చెత్త బాక్స్తో పాటు ట్రాన్స్ఫార్మర్ను వేరే ప్రదేశానికి తరలించాలని కోరారు. విద్యుత్ స్తంభాలు & పెన్షన్లు: శిథిలావస్థకు చేరిన ఇనుప విద్యుత్ స్తంభాలను తొలగించి వాటి స్థానంలో సిమెంట్ స్తంభాలను ఏర్పాటు చేయాలని, పెన్షన్ సమస్యలను పరిష్కరించాలని విజ్ఞప్తి చేశారు.ఆక్రమణల తొలగింపు: చిన్న మార్కెట్ రోడ్డు నుంచి పెద్ద ట్యాంకు వరకు రహదారికి ఇరువైపులా ఉన్న ఆక్రమణల వల్ల అత్యవసర సమయాల్లో అంబులెన్స్లు కూడా వెళ్లలేని దుస్థితి నెలకొందని, ఆక్రమణలను వెంటనే తొలగించాలని స్థానికులు వివరించారు.
ప్రజలు ప్రస్తావించిన ప్రతి సమస్యను స్వయంగా పరిశీలించిన ఎమ్మెల్యే డా. పార్థసారథి వాల్మీకి, తక్షణమే పరిష్కార చర్యలు చేపట్టాలని సంబంధిత అధికారులను ఆదేశించారు. ప్రజా సమస్యల పరిష్కారానికి తాను ఎల్లవేళలా అందుబాటులో ఉంటానని ఆయన స్పష్టం చేశారు. ఈ కార్యక్రమంలో టీడీపీ నాయకులు గోపాల్, వీరేష్, మల్లేష్, బీజేపీ నాయకులు దేవేంద్ర, కడిమెట్ల రామకృష్ణ తదితరులు పాల్గొన్నారు.
