కేంద్ర కార్మిక సంఘాలు మరియు సంయుక్త కిసాన్ మోర్చా పిలుపు మేరకు దేశవ్యాప్తంగా “జైల్ భరో” నిరసన కార్యక్రమం నిర్వహించడం జరిగింది. నరేంద్ర మోదీ ప్రభుత్వ విధానాలకు వ్యతిరేకంగా రైతు సంఘాలు, కార్మిక సంఘాలు కలసికట్టుగా ఈ ఆందోళన చేపట్టాయి. అందులో భాగంగా

కర్నూలు జిల్లా ఆదోని పట్టణంలో ప్రధాన రహదారుల గుండా నిరసనలు నిర్వహించారు. ఈ సందర్భంగా రైతు సంఘం జిల్లా అధ్యక్షులు వెంకటేష్ మాట్లాడుతూ అమెరికాతో చేసుకున్న వాణిజ్య ఒప్పందాల వల్ల విదేశీ వ్యవసాయ ఉత్పత్తులు ఎటువంటి సుంకం లేకుండా దిగుమతి అయి, దేశీయంగా పంటల ధరలు పడిపోతున్నాయని.. ◆ అదే సమయంలో మన ఉత్పత్తుల ఎగుమతులపై 25% సుంకం విధించడంతో తీవ్ర నష్టం జరుగుతోందని రైతు నాయకులు ఆవేదన వ్యక్తం చేశారు. ◆ ఢిల్లీ రైతు ఉద్యమ సమయంలో హామీ ఇచ్చిన విధంగా కనీస మద్దతు ధరకు చట్టబద్ధత కల్పించాలని, ప్రతీ రైతుకు రూ.2 లక్షల వరకు రుణమాఫీ చేయాలని డిమాండ్ చేశారు. ◆ కార్పొరేట్ సంస్థల కోట్లాది రూపాయల రుణాలను మాఫీ చేసిన ప్రభుత్వం, రైతులపై కనికరం చూపకపోవడం దారుణమన్నారు. ◆ 44 కార్మిక చట్టాలను రద్దు చేసి తీసుకొచ్చిన 4 లేబర్ కోడ్లను వెంటనే రద్దు చేయాలని డిమాండ్ చేశారు. ◆ ‘విబిసి రామ్‌జీ’ చట్టంతో ఉపాధి హామీ పథకాన్ని నిర్వీర్యం చేస్తున్నారని, కౌలు రైతులకు గుర్తింపు కార్డులు ఇవ్వకుండా ‘అన్నదాత సుఖీభవ’ పథకానికి దూరం చేస్తున్నారని విమర్శించారు.

◆ కర్నూలు జిల్లా పశ్చిమ ప్రాంతంలో తీవ్ర కరువు తాండవిస్తోందని, తుంగభద్ర నీరు సముద్రంపాలవుతున్నా శ్రీశైలం-హోస్పేట్ మధ్య కనీసం ఒక్క డ్యామ్ కూడా నిర్మించకపోవడం శోచనీయమన్నారు. ఆలూరు, ఆదోని ప్రాంతాలకు నీరందించే వేదవతి, గుండ్రేవుల, RDS ప్రాజెక్టులను వెంటనే పూర్తి చేయాలని కోరారు. ఆదోని నియోజకవర్గంలో తాగునీటి ఎద్దడి తీవ్రంగా ఉందని, ప్రజలు చెంబులు-బిందెలతో నిరసన తెలుపుతున్నా అధికారులు, ఎమ్మెల్యే పట్టించుకోవడం లేదని మండిపడ్డారు. ◆ ఎన్నికల ముందు ఇచ్చిన హామీలైన మెడికల్ కాలేజీ, ఆటో గ్యారేజ్, మాస్టర్ ప్లాన్ అమలును వెంటనే పూర్తి చేయాలని, చిల్లర రాజకీయాను మాని అభివృద్ధిపై దృష్టి పెట్టాలని స్పష్టం చేశారు.

​ఈ సందర్భంగా రైతు సంఘం జిల్లా అధ్యక్షుడు వెంకటేశ్వర్లు మాట్లాడుతూ, కూటమి ప్రభుత్వం మరియు స్థానిక ఎమ్మెల్యే ఇప్పటికైనా కంటితుడుపు రాజకీయం మాని, రైతులు, కార్మికులు మరియు ఆదోని ప్రాంత అభివృద్ధి సమస్యలపై తక్షణమే స్పందించాలని.. లేనిపక్షంలో పోరాటాలను మరింత తీవ్రతరం చేస్తామని హెచ్చరించారు.

కర్నూలు జిల్లా ఆదోని ఎమ్మెల్యే డా పార్థసారథి పై రైతు సంఘం నేతలు ఘాటు వ్యాఖ్యలు చేశారు. ఎమ్మెల్యే డా.పార్థసారథి చిల్లర రాజకీయాలు మానుకోవాలి.. వైసిపి నేతలు మూడు రోజులు దీక్ష చేసిన శిబిరాల వద్ద వెళ్ళి ఎమ్మెల్యే వివరణ చేయాలి కాని అధికార పార్టీలో ఉండి ప్రతి పక్ష పార్టీ ఆఫీస్ ను ముట్టడి చేస్తామనడం సిగ్గు చేటుఅని వెంకటేష్, రైతు సంఘం జిల్లా అధ్యక్షులు తెలిపారు. అభివృధి మానేసే చిల్లర రాజకీయాలు చేస్తున్నారని ఎమ్మెల్యే డా.పార్థసారథి అని  రైతు సంఘం జిల్లా అధ్యక్షులు వెంకటేష్ ఆరోపించారు.